Mitko Jancev
политичар
Градоначалник на Општина Кавадарци од 2017 година
Образование
Дипломиран инженер-геолог на Универзитетот “Гоце Делчев”- Штип, а Магистерските студии на истиот ги завршува во отсекот на техничките науки, петрологија, минералогија и геохемија
Искуство
Тој е сопственик и управител на ДПТУ Кожувчанка од Кавадарци, првата приватна компанија за производство на вода во Македонија. Тој функцијата управител ја превзема на своја 23 годишна возраст, по ненадејната смрт на неговиот татко кој е основач на компанијата Кожувчанка. Јанчев во своето 13 годишно раководење со компанијата има постигнато голем број успеси за развој на компанијата, а тоа го говори фактот дека Кожувчанка ДОО се наоѓа помеѓу 100те најуспешни компании во државата. Исто, под раководство на Јанчев, компанијата го привлекува и соработува со светски познатиот бренд Синалко од Германија. Во 2015 та година компанијата Кожувчанка го лансира и новиот производ НАШЕ МАКЕДОНСКО ПИВО на пазарот
фамилија
Сопруг на Веселка и татко на три деца: Никола, Стојанче и Мила
Хуманист
Јанчев е познат по својата хуманост и борба за општествена одговорност, а тоа го потврдуваат големиот број на активности и донации во сите сфери на општеството. Поддржувач е на голем број спортски настани и спортски клубови, како во Кавадарци, така и низ целата држава. Дава особени придонеси низ спортот во град Кавадрци преку 10 годишната финансиска поддршка на КК Фени Индустри, Џудо клубот Кожувчанка, низата фудбалски клубови во Кавадарци, ГРК Тиквеш и многудруги. Дава поддршка и на многу културни и уметнички настани, помагајќи на најразличен начин. Преку различни донации придонесува и во развојот на медицината во нашата држава, особено во град Кавадрци со повеќе донации како реконструкција на прозорци и апарат за ЕКГ во Здравствен дом Кавадарци и амбулантно возило Мерцедес за општата болница во град Кавадарци.
Митко Јанчев е особено горд на привилегијата- Претседател на иницијативниот одбор за изградба на црквата “СветаПетка” во Кавадарци каде исто се појавува и како еден од поголемите инвеститори на светиот храм.
Има донирано и во образованието, со тоа што еден од поголемите проекти биле донација за реконструкција на ООУ „ДимкатаАнгелов-Габерот“ и интелигентна табла во гимназија „Добри Даскалов“.
Активности
Во 2017 година е избран за кандидат за Градоначалник на Општина Кавадарци од ВМРО – ДПМНЕ. Победува во вториот круг од изборите. Неговата најголема амбиција е Кавадарци да стане убаво место за живеење со изграден систем на работа кој ќе трае во иднина. Оваа негова амбиција ја прифатија и граѓаните и доби огромна поддршка. За овие избори Јанчев кажа:
„Ја водев најтешката битка во мојот живот.“
Во 2018 та година беше избран за потпредседател на ВМРО-ДПМНЕ , оваа функција ја извршуваше до крајот на 2018 та година. Митко Јанчев е член на управниот одбор на Стопанска комора на Република Македонија, како и Претседател на Регионалната Стопанска комора- Кавадарци се до 2018 та година. Во 2018 та година, Митко Јанчев, е основач на фондацијата “Никола Јанчев“, фондација која го носи името на неговиот покоен татко. Фондацијата има една единствена цел, да им се помага на луѓето преку хуманитарни активности. Тој се откажува од градоначалничката плата која секој месец се префрлува на сметка на фондацијата.
Во досегашното свое функционирање како градоначалник успеа да реализира голем број на проекти.Кавадарци видно го измени својот лик. Напорното работење заедно со Советот на Општина Кавадарци го прават еден од најуспешните градоначалници во Република Северна Македонија. Реализираше проекти како Мој општинар кој е единствен проект од таков тип во земјата а со тоа значително се доближи до граѓаните и успешно се решаваат секојдневните барања на жителите на Општина Кавадарци.
Доста коментирана е и соработката во Советот на Општина Кавадарци. Тоа е можеби и единствениот совет кој работи заеднички за доброто на градот ставајќи ја во втор план политичката ориентација.
Оваа соработка и соработката со државните институции дава поволности во поглед на реализирање на проектите кои ги имаше Митко Јанчев во својата предизборна програма а кои во само две години од својот мандат имаше 90% реализација на истите.